1. Мемлекеттік қызметтерді цифрландыру және автоматтандыру департаменті (бұдан әрі-Департамент) Қазақстан Республикасы Әділет министрлігінің (бұдан әрі-Министрлік) құрылымдық бөлімшесі болып табылады.
2. Департамент өз қызметінде Қазақстан Республикасының Конституциясын, заңдарын, Қазақстан Республикасының Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
3. Департаменттің құрылымын, штат санын мемлекеттік органның уәкілетті лауазымды адамы штат санының лимиті шегінде Қазақстан Республикасының заңнамасында белгіленген тәртіппен бекітеді.
4. Департамент:
1) Цифрландыру және ақпараттық–коммуникациялық инфрақұрылымды дамыту басқармасы;
2) Ақпараттық-коммуникациялық инфрақұрылымды сүйемелдеу басқармасы;
3) Мемлекеттік қызметтерді автоматтандыру және мониторингілеу басқармасы;
4) Жобалық жұмыс басқармасынан тұрады.