Мемлекеттік қызметке түсу: Ережеге түзетулер енгізілді

Мемлекеттік қызмет істері агенттігінің төрағасы 2025 жылғы 23 сәуірдегі бұйрықпен мемлекеттік әкімшілік лауазымға орналасудың кейбір мәселелеріне өзгерістер енгізді.

Атап айтқанда, интеграцияланған ақпараттық жүйеде "Б" корпусының мемлекеттік әкімшілік лауазымына орналасуға конкурсты іріктеу мен өткізудің уақытша қағидаларында мынадай тармақ жаңартылды:

Кандидаттың мемлекеттік қызметке кіру шарттарына сәйкестігін айқындау мақсатында жүйемен азаматтардың денсаулығын қорғау және қадағалау саласындағы стратегиялық, реттеуші, бақылау-қадағалау, іске асыру және рұқсат беру функцияларын жүзеге асыратын мемлекеттік органның және құқықтық статистиканы қалыптастыру және арнайы есепке алуды жүргізу жөніндегі мемлекеттік органның ақпараттық жүйелерінен ақпарат сұратылады.