Үй-жайлар (пәтерлер) иелерінің кооперативінің қызметін тоқтату

Қазақстан Республикасы «Тұрғын үй қатынастары туралы» Заңымен, атап айтқанда, 51 баб үй-жайлар (пәтерлер) иелерінің кооперативінің қызметін тоқтатылуы қарастырылған, осылай үй-жайлар (пәтерлер) иелерiнiң кооперативi мынадай жағдайларда:

1) жер учаскесi мемлекет мұқтажы үшiн мәжбүрлеп иеліктен шығарылған ретте;

2) кондоминиум объектiсiн басқарудың басқа нысанына көшу туралы үй-жайлар иелерiнiң қабылдаған шешiмi бойынша;

3) өрт, жер сiлкiнiсi немесе өзге де зiлзалалар салдарынан үйдiң елу проценттен астамы зақымдалған (қираған) жағдайда тұрғынжайдың зақымдалған (қираған) бөлiгiн қалпына келтiрмеу жөнiнде үй-жайлар иелерiнiң қабылданған шешiмi бойынша;

4) кондоминиумды тоқтатқан ретте тоқтатылуы мүмкiн.

1. Кооперативтi тоқтатқан ретте оның борыштарды өтегеннен кейiн қалған мүлкi, егер меншiк иелерiнiң арасындағы келiсiмде өзгеше көзделмесе, кооператив мүшелерiнiң арасында олардың ортақ мүлiктегi үлестерiне мөлшерлi бөлiнедi.
2. Кооперативтiң тоқтатылуы оның құрылуы сияқты тiркеледi.