«Цифрлық атқарушылық жазба» пилоттық жобасы
2025 жылғы 31 наурызда Әділет министрлігі азаматтардың құқықтарын қорғауға және нотариустардың атқарушылық жазбалар жасау кезінде белгіленген талаптарды сақтауына бағытталған «Цифрлық атқарушылық жазба» пилоттық жобасын іске қосты.
Жобаның негізгі жаңалықтары:
- Қарсылық беру процесін цифрландыру. Борышкерлер өздерінің жеке кабинетінде «мобильдік үкімет» ақпараттық жүйесі арқылы атқарушылық жазбаны онлайн даулай алады.
- Процедураларды автоматтандыру. Қарсылықтар электрондық цифрлық қолтаңбаны (ЭЦҚ) пайдалана отырып, электрондық форматта берілетін болады.
- Аумақтық принципін сақтау. Бүкіл жүйе нотариаттық іс-әрекеттердің аумақтық байланысын ескере отырып конфигурацияланған.
- Өңдірулердің ашықтығы мен заңдылығы.
Жаңа тетік атқарушылық жазбалардың заңдылығын бақылауды қамтамасыз етеді және азаматтар мен ұйымдардың нотариаттық қызметтерге цифрлық форматта қол жеткізуін жеңілдетеді.
Пилоттық жоба 2025 жылдың 31 желтоқсанына дейін жұмыс істейді.