Франциядағы Апостиль рәсімін реформалау мақсаты туралы

Француз Республикасының Әділет министрлігі мен Еуропа және Сыртқы істер министрлігі бірлесіп, 2020 жылдан бастап легализациялау және апостиль рәсімдерін реформалауға кірісті.
Апостиль - бұл көпшілікке арналған ресми құжаттарға қойылған қолтаңбаның, қол қоюшының өкілеттігін, қажет болған жағдайда мөрдің шынайылығын растайтын рәсім. Бұл рәсім 1961 жылдың 5 қазанындағы Гаага Конвенциясының аясында енгізілген, аталған Конвенцияны Франция мен тағы 126 мемлекет ратификациялаған. Конвенция шетелдік ресми құжаттарды легализациялау талабын жояды.
Франциядағы Апостиль рәсіміне реформалау мақсаты – апостиль рәсіміне қатысты бас прокуратуралардың құзыретін нотариустарға беру, сондай-ақ апостильді растау және беру рәсімдерін цифрландыру болып табылады. 1961 жылдың 6 қазандағы жоғарыда аталған Конвенцияның 6 бабына сәйкес, әрбір мемлекет өз қалауы бойынша құзырлы органды тағайындауға ерікті.
Аталған реформа 2025 жылдың 1 мамырынан бастап Франция аумағында күшіне енді.
2020 жылдың 4 наурызындағы № 2020-192 Жарлығына сәйкес, осы рәсімдерді жүзеге асыру құқығы нотариустардың кеңестері мен алқаларының төрағаларына берілді. 2023 жылғы 7 сәуірдегі қаулы Франция аумағында осы рәсімдерге құзыретті 15 нотариустар кеңесі мен алқасының тізімін бекітті.
2021 жылғы 17 қыркүйектегі № 2021-1205 Декретте жаңа рәсімнің өзге де іс жүзіндегі тәртіптері нақтыланған:
- Өтініштер мен рәсімдер құзырлы органдарға электронды немесе қағаз форматта ұсынылуы мүмкін;
- Өтініш берушілер апостиль рәсімінің жағдайын электронды форматтағы арнайы тізілімнен қарай алады (мына сайт арқылы apostille-index.notaires.fr);
- Бас прокуратуралар мен Еуропа және Сыртқы істер министрлігі сәйкесінше апостиль мен легализация рәсімдеріне қатысты келесі жағдайларда құзыреттілігін сақтайды:
• Қылмыстық істер бойынша сот-сараптамалық көмек көрсетуге байланысты ресми құжаттар;
• Келесі аумақтарда: Жаңа Каледония, Француз Полинезиясы, Уоллис және Футуна аралдары, сондай-ақ Францияның Оңтүстік және Антарктикалық жерлері.