заңға өзгеріс

заңға өзгеріс

       Онлайн режимде түсіндірме жұмыс жүргізілді.

 

      2025 жылдың 22 мамыр күні Құқықтық сауатылығын арттыру мақсатында Жамбыл ауданаралық мәжбүрлеп орындату аумақтық бөлімі филиалының басшы аға сот орындаушысының міндетін атқарушы С.Капсалановпен, «Жамбыл аудандық орталық ауруханасы» КШЖҚ КМК-на онлайн режимінде, Қазақстан Республикасы «Атқарушылық іс жүргізу және сот орындаушыларының мәртебесі туралы» Заңының 124 бабы «Атқарушылық санкция» өндіру туралы түсіндіру жұмысын жүргізді.   124-бап. Атқарушылық санкциясы

  1. Мемлекеттік сот орындаушысы атқарушылық құжат толық орындалғаннан кейiн борышкерге өндіріп алынған соманың немесе мүлiк құнының он пайызы мөлшерiнде немесе мүлiктiк емес сипаттағы атқарушылық құжаттар бойынша жеке адамдардан он айлық есептiк көрсеткiш мөлшерiнде және заңды тұлғалардан жиырма айлық есептiк көрсеткiш мөлшерiнде мемлекет кірісіне атқарушылық санкциясын ерікті түрде төлеуді ұсынады.

      Борышкер бас тартқан жағдайда мемлекеттік сот орындаушысы борышкерден атқарушылық санкциясын өндіріп алу туралы шығарылған қаулы негізінде атқарушылық санкциясын өндіріп алады.

      Атқарушылық санкциясы, егер:

      1) борышкер атқарушылық құжат мәжбүрлеп орындатуға ұсынылғанға дейін толық көлемде атқарушылық құжатты орындаса;

      2) атқарушылық құжат бойынша өндірілген сомадан он пайызы мөлшерінде өндірілуге тиісті атқарушылық санкциясы бір айлық есептік көрсеткіштен аз болса;

      3) борышкер мемлекет болып табылса, өндірілмейді.

  1. Атқарушылық санкциясы республикалық бюджетке аударылады.
  2. Борышкер атқарушылық санкциясын өндіріп алу туралы сот орындаушысының қаулысын дауға салу туралы арызбен, оны өндіріп алудың мерзімін кейінге қалдыру немесе мерзімін ұзарту туралы, оның мөлшерін азайту немесе атқарушылық санкциясын өндіріп алудан босату туралы талап-арызбен сотқа жүгінуге құқылы.