«Е – заң көмегі» АЖ пилоттық жобаны іске асыру бойынша жұмыс кездесуі. 2021 жылғы 11 маусымда Солтүстік Қазақстан облысы Әділет департаментінің алаңында Мемлекет кепілдік берген заң көмегі шеңберінде қорғаушы ретінде адвокаттарды тағайындау процестерін автоматтандыру мәселелері бойынша онлайн-режимде жұмыс кездесуі өтті. Жұмыс кездесуіне адвокаттар алқасының төрағасы мен облыстың адвокаттары, ішкі істер органдарының, құқықтық статистика және арнайы есепке алу жөніндегі Комитет басқармасының өкілдері қатысты. Іс – шараны өткізу барысында "Е-заң көмегі"ақпараттық жүйесі арқылы адвокат тағайындау процесін іске асыру бойынша бірлескен шаралар айқындалды. Кездесу қорытындысы бойынша сотқа дейінгі процесс кезеңінде адвокатты қорғаушы ретінде тағайындау процесін жетілдіру бойынша ұсыныстар әзірленді. Солтүстік Қазақстан облысы Әділет департаменті баспасөз қызметі.