Мемлекеттік қызмет саласында ақпараттық-насихаттау іс-шараларын өткізу шеңберінде, сондай-ақ «Мемлекеттік қызметші күнін» мерекелеу қарсаңында Солтүстік Қазақстан облысы Әділет департаментінің басшысы орынбасарының міндетін атқарушы колледж студенттеріне «Мемлекеттік қызметшінің имиджі» тақырыбында дәріс оқыды. Іс-шара барысында қатысушылар Әділет органдарының міндеттері мен функцияларымен, мемлекеттік қызметке кіру тәртібімен танысты. Сонымен қатар, мемлекеттік қызметшілердің моральдық-этикалық бейнесіне қойылатын негізгі талаптар, сондай-ақ Қазақстан Республикасы мемлекеттік қызметшілерінің Әдеп кодексінде белгіленген олардың мінез-құлқының негізгі стандарттары айтылды. ​