"Буллинг, Кибербуллинг" тақырыбында оқушыларға дәріс өткізілді

2026 жылғы 09 қыркүйекте Шығыс Қазақстан облысы Әділет департаментінің Коммерциялық емес ұйымдарды тіркеу және тіркеу қызметі саласындағы бақылау бөлімімен Өскемен қаласы әкімдігінің «№37 орта мектебі» КММ оқушылары үшін «Буллинг, Кибербуллинг» тақырыбында дәріс өткізілді. Шара қоғамдық орындардағы мінез-құлық ережелерін түсіндіру мақсатында «Заң және тәртіп» нарративін ақпараттық жариялау аясында ұйымдастырылды. Кездесу барысында мектеп оқушылары шынайы өмірдегі және желідегі қорлықтың ұғымымен, нысандарымен, түрлерімен және салдарымен танысты. Сондай-ақ жасөспірімдерге қорғану тәсілдері, көмекке жүгіну кезіндегі құпиялылық құқығы және осы саланы реттейтін негізгі заңнамалық нормалар туралы ақпарат берілді. Дәріс соңында оқушылар білікті кеңестік көмек алып, барлық сұрақтарына толық жауаптар алды.