Оқушыларға профилактикалық дәріс өткізілді

Ағымдағы жылдың 16 наурызында Шығыс Қазақстан облысы Әділет департаментінің зияткерлік меншік құқықтар бөлімімен
«Заң және тәртіп» қағидатын ақпараттық жариялау мақсатында Өскемен қаласы әкімдігінің «№14 орта мектебінің» құқықтық сауаттылықты арттыруға және жасөспірімдер арасында қауіпсіз мінез-құлық қалыптастыруға бағытталған профилактикалық дәріс өткізілді.

Дәріс барысында зияткерлік меншік құқықтарын қорғау және сақтау, буллинг пен кибербуллингтің алдын алу, интернет-алаяқтықтың алдын алу, сондай-ақ «Есірткіге жол жоқ» тақырыбы аясында салауатты өмір салтын насихаттау мәселелері қарастырылды.

Оқушыларға интернет желісінде қауіпсіздік ережелері, кездесуі мүмкін қауіп-қатерлер және құқыққа қайшы әрекеттер үшін жауапкершілік туралы түсіндірілді.

Сонымен қатар интернет-алаяқтықтың кең таралған түрлері және одан сақтану жолдары түсіндірілді. Дәріс барысында оқушылар арасында бір-біріне құрметпен қарау, өз әрекеттеріне жауапкершілікпен қарау және салауатты өмір салтын ұстанудың маңыздылығы ерекше атап өтілді.

Мұндай іс-шаралар жастардың құқықтық мәдениетін арттыруға, бір-біріне құрметпен қарауды қалыптастыруға және шынайы өмірде де, цифрлық ортада да саналы мінез-құлық ұстануға ықпал етеді.