Мемлекеттік қызмет этикасы — қоғам сенімінің негізі

Қазақстан Республикасында мемлекеттік қызмет саласында қызметтік әдеп мәселелері мемлекеттік басқару жүйесінде маңызды орын алады. Мемлекеттік қызметшілердің мінез-құлқы мен кәсібилігі азаматтардың билік институттарына деген сенім деңгейіне тікелей әсер етеді.
Заңнамада мемлекеттік қызмет өкілдерінің мінез-құлқына қойылатын нақты стандарттар белгіленген. Оның негізінде заңдылық, адалдық, әділдік, ашықтық және қоғам мүддесіне қызмет ету қағидаттары жатыр. Бұл қағидаттар салалық заңда және Мемлекеттік қызметшілердің әдеп кодексінде бекітілген.
Сыбайлас жемқорлықтың алдын алу мен мүдделер қақтығысын болдырмауға ерекше назар аударылады. Мемлекеттік қызметші өз лауазымдық міндеттерін адал атқарып қана қоймай, өзінің бейтараптығына күмән келтіруі мүмкін жағдайларға жол бермеуі тиіс. Қызметтік өкілеттіктерді жеке мақсатта пайдалану, заңсыз пайда алу және азаматтарға құрметсіздік танытуға жол берілмейді.
Мемлекеттік органдарда әдеп жөніндегі уәкілдер жұмыс істейді, олар түсіндіру және профилактикалық жұмыстар жүргізеді.
Бүгінде әдеп стандарттарын сақтау формальды талап емес, мемлекеттік қызметті жаңғыртудың маңызды элементі ретінде қарастырылады. Кәсіби мәдениет, ашықтық және есептілік мемлекет пен қоғам арасындағы тиімді өзара іс-қимылдың негізіне айналуда.