Әділет министрлігі ЖСО Республикалық Палатасымен бірлесіп жаңа Adilet қосымшасын іске қосты

Оны пайдаланып, Сіз уақытыңызды үнемдейсіз. Мысалы, сот орындаушының кеңсесіне бармай-ақ қаулыларын жүктеп ала аласыз. Ол үшін QR-кодын сканерлеу жеткілікті.

Екіншіден, жеке сот орындаушысымен тікелей байланыса аласыз. Ол үшін Тараптар кабинетіне кіріп, өтініш жазсаңыз, 5 күн ішінде сот орындаушысынан жауап аласыз.

Егер сот орындаушысы жауап бермесе, шағым одан әрі-өңірлік палатаға кетеді.
Егер палата жауап бермесе, өтініш автоматты түрде әділет департаментіне түседі. Яғни, өндіріп алушыға Е-өтініш арқылы шағымды палатаға немесе прокуратураға жазып, бірнеше апта бойы жауап күтудің қажеті жоқ.

Тараптар кабинетінде өндіріп алушы ЖСО қандай шаралар қабылдағанын және қабылдамағанын көреді.

Үшінші артықшылығы – қосымша Борышкерлердің бірыңғай тізілімінде мәліметтерді іздеуді жүзеге асырады.

Төртіншіден, сізге қандай шектеу қойылғаны туралы ақпарат ала аласыз. Бесіншіден қолданба атқарушы құжатты іздеуге, оның орналасқан жерін бақылауға мүмкіндік береді.

"Adilet" қосымшасы - бұл атқарушы өндіріске жылдам қол жеткізу жолы. Ол атқарушылық іс-әрекеттер ашықтығын және мәжбүрлеп орындау шараларының уақытылы жүргізілуін қамтамасыз етеді.
Қосысмшаны Google Play https://play.google.com/store/apps/details?id=kz.gov.adilet.aisoip&hl=ru
мен AppStore-дан https://apps.apple.com/kz/app/adiletgov/id6474442608 жүктеп ала аласыз.