Заң клиникасы аясында кәсіби кездесу өтті

Тәжірибелі жеке сот орындаушысы Мусин Қолғанат Қалдыбаевичтің қатысуымен «Сот актілерін орындау: сот орындаушысының қызметі мен құқықтық маңызы» тақырыбында ғылыми-тәжірибелік кездесу жоғары деңгейде өткізілді.

Іс-шара барысында жеке сот орындаушысы қызметінің құқықтық негіздері кеңінен түсіндіріліп, сот тәжірибесіндегі өзекті проблемалар жан-жақты талқыланды. Студенттер кәсіби тәжірибемен танысып, саладағы маңызды мәселелер бойынша құнды ақпарат алды.

Сонымен қатар, студенттер өздерін толғандырған сұрақтарын қойып, маманнан нақты әрі пайдалы кеңестер алды. Құқықтану мамандығының студенттері іс-шараға белсенді қатысып, жоғары қызығушылық танытты.