Жастар орталығында жастармен кездесу ұйымдастырды

2026 жылдың 30 маусымында «Қоғамдағы заң мен тәртіп» қағидатын насихаттау аясында Қызылорда облысы Әділет департаментінің сала мамандары қалалық Жастар орталығында жастармен кездесу ұйымдастырды. Ашық форматта өткен іс-шара барысында қатысушыларға мемлекет кепілдік берген тегін заң көмегін алу тәртібі, цифрлық кеңесші чат-боттың мүмкіндіктері, «Тараптар кабинеті» ақпараттық сервисін пайдалану жолдары түсіндірілді. Сонымен қатар, жастар арасында лудоманияның алдын алу, құмар ойындардың зиянды салдары және құқықтық сауаттылықты арттырудың маңыздылығы жөнінде кеңінен ақпарат берілді.