«Құқықтық дәріхана» акциясы ұйымдастырылды

2026 жылдың 13 наурызында «Заң мен тәртіп» қағидатын ілгерілету аясында Қызылорда қалалық прокуратурасы мен Қызылорда қалалық әкімдігінің ұйымдастыруымен «Құқықтық дәріхана» акциясы ұйымдастырылды. Іс-шараға Қызылорда облысы Әділет департаментінің сала мамандары, адвокаттар, жеке сот орындаушылар және құқық қорғау органдарының өкілдері қатысып, қала тұрғындарына құқықтық мәселелер бойынша кеңес беріп, қажетті түсіндірмелер ұсынды. Акция барысында тұрғындарға «Отбасындағы зорлық-зомбылыққа жол бермеңіз!» тақырыбында арнайы дайындалған үнпарақтар таратылып, тұрмыстық зорлық-зомбылықтың алдын алу, сондай-ақ азаматтардың құқықтық сауаттылығын арттыру бағытында түсіндіру жұмыстары жүргізілді.