Қаржылық сауаттылықты арттыру және қандай да бір қаржылық алаяқтыққа жоламау туралы түсіндірілді

Ағымдағы жылдың 2 маусымында Қызылорда облысы Әділет департаменті қызметкерлері арасында Қызылорда облысы бойынша Экономикалық тергеп тексеру департаментінің аса маңызды істер жөніндегі тергеушісі М.Оралбаевамен семинар өткізілді.
Семинар барысында Әділет департаменті басшысының міндетін атқарушы, Әдеп жөніндегі уәкіл Ұ.Оразгелді лудомания жайлы департамент қызметкерлері арасында профилактикалық жұмыстар жүргізіліп отырғандығын, лудомания адамның физикалық, психологиялық, қаржылық әл-ауқатына теріс әсер ететіндігін, құмар ойындарға бәс тікпеу мемлекеттік қызметшілердің шектеулері болып табылатындығын атап өтті.
Қызылорда облысы бойынша Экономикалық тергеп тексеру департаментінің аса маңызды істер жөніндегі тергеушісі М.Оралбаева қызметкерлерге лудомания, дропперлер, қаржы пирамидасы жайлы түсіндірме жұмыстарын жүргізіп, тақырып аясында бейнеролик көрсетілді. Сондай-ақ қаржылық сауаттылықты арттыру және қандай да бір қаржылық алаяқтыққа жоламау туралы түсіндірілді.