«Анаға тағзым» орталығында «Әйел және әділ қоғам:заң,тәртіп,тәрбие» тақырыбында дөңгелек үстел өткізілді.

Ағымдағы жылдың 29 мамырында Қазақстан Республикасы Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің ұйымдастыруымен Қоғамдағы әйелдердің құқықтық сауатын арттыру, сыбайлас жемқорлық пен алаяқтыққа мүлдем төзбеушілік мәдениетін қалыптастыру және құқық бұзушылықтың алдын алу мақсатында «Анаға тағзым» орталығында «Әйел және әділ қоғам:заң,тәртіп,тәрбие» тақырыбында дөңгелек үстел өткізілді. Іс-шараға Қызылорда облысы Әділет департаментінен Әкімшілік бөлімінің басшысы Э.Абдыкаликова қатысты. Шара аясында әйелдердің құқықтық сауатын арттыру, сондай-ақ олардың қоғамдағы белсенді рөлін қолдау бағытында осындай іс-шараларды жиі ұйымдастыру қажеттігі атап өтілді.