Түркістандағы семинарда заңгерлер Алимент өндірудің халықаралық тетіктерін талқылады

Түркістанда Елдің түкпір-түкпірінен 650-ден астам адвокаттар мен заң консультанттарын жинаған «Алимент өндіріп алу бойынша халықаралық құқықтық көмек. Ұлттық құқық қолдану ерекшеліктері» тақырыбында ауқымды семинар-тренинг өтті.

Іс-шара ЕҚЫҰ қолдауымен Адам құқықтары саласындағы іс-қимыл жоспарын іске асыру шеңберінде ұйымдастырылды.

Қатысушылар алдында басым мәселелер бойынша сөз сөйлегендер:

• Талғат Жангелдіұлы Тасқожин, сот әкімшілігінің халықаралық байланыстар бөлімі меңгерушісінің орынбасары;

• Гаухар Жұлдызханқызы Егенбердиева, Сот әкімшілігінің бас консультанты;

• Сауран Бақтыбек Смағұлұлы, Түркістан облысының кәмелетке толмағандар суда жөніндегі мамандандырылған ауданаралық сотының төрағасы;

• Аржан Арманұлы Сәдуақас, заң консультанты.

Қатысушыларға БҰҰ-ның шетелде алимент өндіріп алу туралы Конвенциясының, балаларға алимент өндіріп алудың халықаралық тәртібі және отбасын асыраудың басқа да нысандары туралы Гаага Конвенциясының негізгі ережелері, сондай-ақ осы саладағы трансшекаралық ынтымақтастықтың өзекті аспектілері егжей-тегжейлі түсіндірілді.

Семинар шынайы диалог үшін интерактивті алаңға айналды: заң қоғамдастығының өкілдері көптеген практикалық сұрақтар қойып, оларға спикерлер тарапынан жан-жақты және кәсіби жауаптар берілді.

Әділет министрлігі құқықтық мәдениетті нығайтуға және отбасы құқықтарын қорғау саласындағы халықаралық ынтымақтастықты дамытуға ықпал ете отырып, осындай іс-шараларды 2024 жылдан бастап тұрақты негізде жүргізуді жалғастыруда.