Қарағанды облысының жеке сот орындаушылары Қарағанды облысы Әділет департаментінің көмегі негізінде алимент бойынша міндеттемелерін орындамаған борышкерлерге қатысты қылмыстық жауапкершілкке тарту шараларын жүзеге асыруда.
2021 жылдың 8 ақпанында Қарағанды облысы кәмелетке толмағандар істері жөніндегі мамандандырылған ауданаралық сотының үкімімен борышкер А.Т.Асанов (фамилиясы өзгертілген) Қазақстан Республикасы Қылмыстық Кодексінің 139 бабына сәйкес кінәлі деп танылған.
Үкім бойынша борышкердің 1 жылға бостандығы шектеліп, тағайындалған барлық мерзімге пробациалық бақылау қойылып, жаза мерзімі бойында 100 сағат мәжбүрлеп еңбекке тартылған. Аталған үкім 2021 жылдың 23 ақпанында күшіне енді.
Борышкердің алимент бойынша берешек сомасы 3 250 021 тенгені құраған.
Сотталушы борышкер бірнеше жыл бойы кәмелетке толмаған балаларын асырау үшін алимент бойынша өз міндеттерін орындамаған.
Сонымен қатар, 2020 жылы Қылмыстық Кодекстің 139 бабы бойынша 6 борышкер қылмыстық жауапкершілікке тартылғанын хабарлаймыз.