А.ж. 18 маусым айында Батыс Қазақстан облысы Әділет департаментімен облыс әкімдігінің өкілі, жекеше нотариус, жоғары оқу орындарының волонтер-студенттерінің қатысуымен, ауылдық округтердiң әкiмдерi аппараттарының лауазымды тұлғаларына санитарлық-эпидемиологиялық талаптардың сақталуымен, әдістемелік көмек ретінде семинар өткізілді.
Шарада ауылдық округтердiң әкiмдерi аппараттарының нотариаттық iс-әрекеттер жасауға уәкiлеттi лауазымды тұлғаларымен нотариаттық іс-әрекеттер жасау тәртібі, мұрагерлік құқықтың мәселелері талқыланды және ҚР Әкімшілік рәсімдік-процестік кодексі бойынша түсіндіру жұмысы жүргізілді.
Сондай-ақ, Департаменттің бөлім басшыларымен әділет органдары қызметінің басым бағыттары, мемлекеттік қызмет көрсету мәселелері аталып өтті.