Атқарушылық іс жүргізу органдарының Автоматтандырылған ақпараттық жүйесінде "Тараптар кабинеті" онлайн сервисі енгізілді

Азаматтардың ыңғайлылығы үшін Атқарушылық іс жүргізу органдарының Автоматтандырылған ақпараттық жүйесінде онлайн-сервис – «Тараптар кабинеті» енгізілді.

Қызметке қол жеткізу үшін тараптар aisoip.adilet.gov.kz сайтында тіркеліп, ADILET мобильді қосымшасын жүктеп алуы және қосымшаның жеке кабинетінде авторизациядан өтуі қажет.

«Тараптар кабинеті» арқылы тараптар:
— атқарушылық іс жүргізу материалдарымен таныса алады,
— оның орындалу кезеңдерін бақылайды,
— өтініштер мен арыздарды электронды форматта жолдайды,
— хабарламалар мен құжаттарды қашықтан алады,
— сот орындаушысының деректері мен оның рейтингісін тексере алады,
— тіркелген құжаттарды PDF форматында жүктей алады,
— сондай-ақ қарыздарды онлайн түрде төлей алады.

Қызмет тәулік бойы қолжетімді және бару арқылы жүгінуден сақтайды, процестерді жеделдетеді және атқарушылық іс жүргізудің барысын бақылауға мүмкіндік береді.