Нотариустармен апостиль қою тақырыбына семинар өткізілді

24.09.2021 ж. Атырау облысы Әділет департаменті басшысының орынбасары Айгүл Жубанышкалиеваның төрағалығымен Атырау облысы Нотариаттық палатасының төрайымы Гүлнар Масатованың және Атырау облысының жекеше нотариустарымен қатысуымен семинар өткізілді.

Семинарда Қазақстан Республикасының Әділет органдарынан және өзге мемлекеттік органдарынан, сондай-ақ нотариустардан шығатын ресми құжаттарға апостиль қою мемлекеттік қызметіне қойылатын талаптар және АХАЖ ақпараттық жүйесінде туындайтын проблемалық мәселелер талқыланды.

Айгүл Жубанышкалиевамен және Гүлнар Масатовамен жекеше нотариустармен қандай да бір нотариаттық іс-әрекеттерді жүзеге асыру кезінде қандай қиындықтарға тап болатынын және оларды шешу жолдарын талқылады.

Атырау облысы Әділет департаментінің баспасөз қызметі.