АТҚАРУШЫЛЫҚ ІС ЖҮРГІЗУДІ ЖЕТІЛДІРУГЕ БАҒЫТТАЛҒАН ЗАҢНЫҢ ЖАҢАШЫЛДЫҚТАРЫ ТАЛҚЫЛАНДЫ

Атырау облысы Әділет департаменті мен Атырау облысы бойынша Жеке сот орындаушыларының өңірлік палатасының бірлесіп ұйымдастыруымен атқарушылық іс жүргізу туралы заңнамаға енгізілген негізгі өзгерістерді талқылауға арналған кеңес өтті.
Іс-шараға Атырау облысы Әділет департаменті басшысының орынбасары М. Музатова қатысып, заңнамаға енгізілген негізгі өзгерістерге, олардың мақсаты мен құқық қолдану тәжірибесіндегі маңыздылығына жан-жақты тоқталды.
Кеңес барысында қабылданған Заңның атқарушылық іс жүргізудің тиімділігін арттыруға, азаматтар мен өндіріп алушылардың құқықтарын қорғауды күшейтуге, сот актілерінің орындалу тетіктерін жетілдіруге, сондай-ақ жеке сот орындаушыларының кәсіби жауапкершілігін арттырып, олардың қызметіне мемлекеттік бақылауды күшейтуге бағытталғаны атап өтілді.
Сонымен қатар, Заңды қабылдау құқық қолдану тәжірибесінде анықталған өзекті мәселелерді шешу, атқарушылық іс жүргізу саласындағы заңнаманы жетілдіру және сот актілерінің орындалу тиімділігін одан әрі арттыру қажеттілігіне байланысты жүзеге асырылғаны айтылды.
Кездесу соңында қатысушылар заңнаманың жаңа нормаларын іс жүзінде қолдану мәселелерін талқылап, пікір алмасты және оларды тиімді іске асыру бойынша ұсыныстарын білдірді.