«Зияткерлік меншік құқығы» тақырыбында қонақ дәріс өткізді

Атырау облысы Әділет департаменті басшысының орынбасары М.А. Музатова Х.Досмұхамедов атындағы Атырау университетінің «Құқықтану» мамандығы студенттеріне «Азаматтық құқық» пәні бойынша «Зияткерлік меншік құқығы» тақырыбында қонақ дәріс өткізді.
🔹Дәріс барысында студенттерге зияткерлік меншік саласындағы заңнаманың негізгі ережелері, авторлық және сабақтас құқықтарды қорғау мәселелері, сондай-ақ құқық қолдану тәжірибесінің ерекшеліктері түсіндірілді.
🔹Зияткерлік меншік құқықтарын қорғау тетіктеріне, жекелеген зияткерлік меншік объектілерін тіркеу тәртібіне және осы саладағы өзекті мәселелерге ерекше назар аударылды.
🔹Студенттер талқылауға белсенді қатысып, өздерін қызықтырған сұрақтарын қойып, практикалық қолдану аспектілері бойынша пікір алмасты.
🔹Дәріске қатысқан студенттер аталған салаға қатысты өзекті сұрақтар қойып, кәсіби пікірлерімен бөлісті.
✅Мұндай кездесулер білім алушылардың теориялық білімін практикалық тәжірибемен ұштастыруға мүмкіндік береді.