АЗАМАТТАРДЫҢ ҚҰҚЫҚТАРЫН ҚОРҒАУДАҒЫ ӘДІЛЕТ ОРГАНДАРЫНЫҢ РӨЛІ

Атырау облысы Әділет департаментінде Қазақстан Республикасы Әділет министрлігінің 2023–2029 жылдарға арналған Қазақстан Республикасында тіл саясатын дамыту тұжырымдамасын іске асыру жөніндегі іс-шаралар жоспары аясында Департамент басшысының орынбасары М.А. Музатованың қатысуымен «Азаматтардың құқықтарын қорғаудағы әділет органдарының рөлі» тақырыбында семинар-тренинг өткізілді.
⚜️Іс-шара Атырау облысы Мәдениет және тілдерді дамыту басқармасының «Тіл» оқу-әдістемелік орталығымен бірлесіп ұйымдастырылып, мемлекеттік тілде іс жүргізудің нормативтік-құқықтық негіздерін түсіндіруге, ресми құжаттарды сауатты әрі бірізді рәсімдеу дағдыларын жетілдіруге, сондай-ақ азаматтардың құқықтарын қорғауда әділет органдарының рөлін арттыруға бағытталды.
⚜️Семинар барысында қызметкерлер орфоэпия және орфография бойынша практикалық тапсырмалар мен кейстерге қатысты.
⚜️Іс-шара қорытындысы бойынша қатысушыларға сертификаттар табысталды.