Департаментінің басшысының қоғамдық қабылдауы

Ағымдағы жылдың 26 наурыз күні Атырау облысы Әділет департаментінің басшысы Г.У. Кыстаубаева «AMANAT» партиясының Атырау облыстық филиалының қоғамдық қабылдау бөлмесінде азаматтарды жеке мәселелері бойынша қоғамдық қабылдау өткізді.
Қабылдау барысында, азаматтар жеке шоттың бұғатталуы және оны ашу, төлем кестесін қайта жасақтау, адвокат бөлу мәселелері бойынша сауалдармен жүгініп, қолданыстағы заңнамаға сәйкес жауаптар алды.
Сондай-ақ, жеке қабылдауға жүгінген азаматтарға «Тараптар кабинетінің» жұмысы таныстырылып, атқарушылық іс жүргізуге қатысты арыздарды жазу тәртібі түсіндірілді.