Халықты жұмыспен қамтуға бағытталған бос жұмыс орындары жәрмеңкесі өткізілді

Атырау облысы Әділет департаментінің қатысуымен Х.Досмұхамедов атындағы Атырау университетінде халықты жұмыспен қамтуға бағытталған бос жұмыс орындары жәрмеңкесі өткізілді.

Іс-шараның негізгі мақсаты – жастарды, жұмыссыз азаматтарды, сондай-ақ атқарушылық іс жүргізулер бойынша берешегі бар тұлғаларды жұмысқа орналастыруға жәрдемдесу болды.

Осындай іс-шараларды өткізу халықтың жұмыспен қамтылу деңгейін арттыруға, берешектерді азайтуға және азаматтар арасында құқықтық мәдениетті қалыптастыруға ықпал етеді.