Атырау облысы Әділет департаментінің басшысы Г. Қыстаубаева «TOMIRIS» көшбасшы қыздар жобасы аясында Абай орталығында өткен «Әділет пен жауапкершілік жолындағы көшбасшы әйелдер» тақырыбындағы кездесуге қатысты

Атырау облысы Әділет департаментінің басшысы Г. Қыстаубаева «TOMIRIS» көшбасшы қыздар жобасы аясында Абай орталығында өткен «Әділет пен жауапкершілік жолындағы көшбасшы әйелдер» тақырыбындағы кездесуге қатысты.

Іс-шара мемлекеттік қызмет пен құқық қорғау органдарында еңбек етіп жүрген көшбасшы әйелдердің рөлін насихаттауға, жастарға рухани серпін беруге, сондай-ақ саналы әрі жауапты көшбасшылық қағидаттарын қалыптастыруға бағытталды.

Атырау облысының ішкі саясат басқармасы, «Атырау облысы Жастар ресурстық орталығы» КММ және Атырау облысы әкімдігі жанындағы әйелдер істері және отбасылық-демографиялық саясат жөніндегі құрылымдардың ұйымдастыруымен өткен кездесуге өңірдің 300-ге жуық жастары қатысты. Қатысушылар үлгі тұтар спикерлердің өмір жолдары мен құнды пікірлерін тыңдады.