Ағымдағы жылдың 22 тамыз күні Атырау облысы Әділет департаменті қызметкерлері “Әділет кеңес береді” акциясы аясында “Өндіріп алушының өтініші бойынша атқарушылық құжаттың негізінде атқарушылық іс жүргізуді қозғау”, “Коммерциялық емес ұйымдарды тіркеу” және “Әділет азаматтық хал актілерін тіркеу органдарынан және өзге де мемлекеттік органдардан, сондай-ақ нотариустардан шығатын ресми құжаттарға апостиль қою” тақырыптары бойынша ХҚКО Атырау қаласының №2 бөлімінде халыққа құқықтық көмек көрсетті.
Сондай-ақ, азаматтардың құқықтық ақпаратқа қолжетімділігін арттыру мақсатында, цифрлық трансформация шеңберінде азаматтарға құқықтық кеңес беруге арналған жасанды интеллект агентінің жұмысын насихаттап, қойылған сұрақтарға жауап берілді.