2024 жылғы 1 сәуір мен 23 сәуір аралығында Қазақстан Республикасының Әділет министрлігі зияткерлік меншік құқықтарын қорғау және сақтауға қолайлы жағдай жасау, контрафактілік өнімдерді таратуға қарсы күресті насихаттау және танымал ету, сондай-ақ контрафактілік өнімдерді тарату проблемасы туралы халықтың хабардар болу деңгейін арттыру мақсатында «Антиконтрафакт» Республикалық акциясының басталғанын хабарлайды.

Акция аясында:

Ақпараттық ресурстар арасында «Ортақ болашақ үшін инновация және шығармашылық» тақырыбындағы үздік ақпараттық материал бойынша республикалық байкау.

Конкурс Қазақстан Республикасында тіркелген отандық ақпараттық ресурстар арасында өткізіледі.

Өтінімдерді қабылдау Әділет министрлігімен 2024 жылғы 1-15 сәуір аралығында жүзеге асырылады. Көрсетілген мерзімнен кешіктірілмей мемлекеттік немесе орыс тілдерінде ұсынылуы тиіс.

Конкурсқа қатысушы @adiletgov жазылушысы болуы керек. Қатысушы Instagram желісінде #АкцияАнтиконтрафакт2024 @adiletgov жазба қалдыруы керек.

Конкурстың міндеті Зияткерлік меншік құқықтарын қорғауды насихаттау; контрафактіге теріс көзқарасты қалыптастыру; зияткерлік меншік құқықтарын қорғау және сақтау туралы халықтың хабардар болу деңгейін арттыру.

Қатысушылар Республикалық конкурстық жұмыстарын Қазақстан Республикасын Әділет министрлігіне b.satzhanova@adilet.gov.kz электронды поштасына жіберуі тиіс.

Республикалық конкурсқа қатысуға өтінімнен қоса берілген конкурстық жұмыстың ақпараттық материалынан тұруы қажет.

Республикалық конкурстық өтінім келесі талаптарға сәйкес рәсімделуі керек:

- жұмыс көлемі 3 беттен аспауы;

- жұмыс мәтіні Microsoft Word мәтіндік редакторында Times New Roman шрифтімен (шрифт өлшемі 14) 1,5 интервалмен терілуі;

- парақ бағыты: кітап;

- мәтінді еніне сәйкес туралау;

- материалды баяндау қисынды, дәйекті, тұжырымжар дәлелді, қайталаудан аулақ және стиль анық болуы тиіс.

Конкурс жеңімпаздары 2024 жылдың 26 сәуірде Қазақстан Республикасы Әділет министрлігінің @adiletgovkz профилінде хабарланады

. I, II, III орын алған жеңімпаздар бағалы сыйлықтармен марапатталады.