Зияткерлік меншік құқықтары бөлімінің басшысы Еркебұлан Серікқалиұлы Жетпісбаев Almaty TV телеарнасының жаңалықтар эфиріне эксклюзивті сұхбат берді

Алматы қаласының Әділет департаментінің Зияткерлік меншік құқықтары бөлімінің басшысы Еркебұлан Серікқалиұлы Жетпісбаев Almaty TV телеарнасының жаңалықтар эфиріне эксклюзивті сұхбат берді 📺.

Сұхбат барысында ол «АнтиКонтрафакт» республикалық акциясының барысы туралы толық айтып, Алматы қаласында зияткерлік меншік құқықтарына қатысты заң бұзушылықтарды тоқтату бойынша қазіргі статистиканы ұсынды 🛑📊.

Еркебұлан Серікқалиұлы контрафактілік өнімдермен және заңсыз тауар таңбаларын пайдаланумен күрестің маңыздылығын атап өтіп, зияткерлік меншік құқықтарын бұзудың анықталған фактілерінің санының тұрақты өсіп келе жатқанын айтты. Бұл Әділет департаментінің жұмыс тиімділігінің артқанын және тауар таңбаларының құқық иелерінің құқықтарын қорғаудың күшейгенін көрсетеді 🤝⚖.

Департамент контрафактілік өнімдерді таратуды азайтуға бағытталған, қолданыстағы заңнамаға сәйкес, тауар таңбаларын заңсыз пайдалануды тоқтату жұмыстарын жалғастыруда.