Медеу ауданы әкімінің аппаратының қызметкерлері арасында аппарат басшысы Бекжан Куанышевтың төрағалығымен Алматы қаласы Әділет департаменті Зияткерлік меншік құқықтары бөлімінің басшысы – Еркебұлан Жетпісбаев қатысуымен 30 тамыз - Қазақстан Республикасының Конституция күніне орай семинар өткізілді.
⠀
Семинар барысында Еркебұлан Жетпісбаев Ата заңға енгізілген өзгерістер мен толықтырулар туралы аппарат қызметкерлеріне түсініктеме берді.
⠀
Аппарат басшысы семинарды қорытындылай келе Конституция – ел азаматтарының бостандығы мен құқығын қамтамасыз ететін басты құжат екенін баса айтты.
⠀
Іс-шара соңында Бекжан Қуанышев ҚР ОСК төрағасы Нұрлан Әбдіровтың атынан аумақтық сайлау комиссияларының төрағаларына ағымдағы жылғы 5 маусымдағы референдумды дайындау мен өткізуге белсенді қатысқаны үшін алғыс хаттар табыс етті.
Алматы қаласы Әділет департаментінің баспасөз қызметі.