Мемлекеттік қызметшілерге қызметтік әдеп талаптары түсіндірілді

Алматы қаласы Әділет департаментінде мемлекеттік қызметшілерге қызметтік әдеп нормалары мен Қазақстан Республикасы мемлекеттік қызметшілерінің Әдеп кодексінің талаптарын түсіндіру мақсатында кездесу өткізілді.Іс-шараны Әдеп жөніндегі уәкіл К.Базарбаев өткізді.

Кездесу барысында мемлекеттік қызметшілердің қызметтік әдеп қағидаттарын сақтау, қызметтік міндеттерін адал, сапалы және жауапкершілікпен орындау мәселелері талқыланды.

Сонымен қатар, мемлекеттік қызметшілердің мінез-құлқына қойылатын талаптар, әріптестермен және азаматтармен қарым-қатынас жасау мәдениеті, қызметтік әдеп нормаларын сақтау және мемлекеттік қызметтің беделін арттыру мәселелеріне назар аударылды.

Әдеп жөніндегі уәкіл мемлекеттік қызметшілердің кәсіби мінез-құлқы мен жоғары моральдық-адамгершілік қағидаттарды ұстануы мемлекеттік қызметке деген қоғамның сенімін қалыптастыруда маңызды рөл атқаратынын атап өтті.

Кездесу соңында қатысушылардың сұрақтарына жауаптар беріліп, қызметтік әдеп талаптарын сақтау бойынша тиісті түсіндірмелер ұсынылды.