Мемлекеттік қызметшілер арасында әдеп қағидаттарын насихаттауға арналған семинар өтті

Алматы қаласы Әділет департаментінде мемлекеттік қызметшілер арасында әдеп қағидаттарын насихаттау мақсатында семинар ұйымдастырылды.

Іс-шара барысында Алматы қаласы Әділет департаментінің әдеп жөніндегі уәкілі К.Б. Базарбаев мемлекеттік қызметкердің әдеп нормалары, қызметтік тәртіп, кәсіби жауапкершілік және қоғаммен қарым-қатынастағы этикалық ұстанымдардың маңыздылығы жөнінде баяндама жасады.

Семинар барысында мемлекеттік қызметте әдеп стандарттарын сақтау, сыбайлас жемқорлыққа қарсы мәдениетті қалыптастыру және азаматтарға сапалы қызмет көрсету мәселелері кеңінен талқыланды.

Іс-шара мемлекеттік қызметшілердің кәсіби мәдениетін арттыруға, әдеп талаптарын сақтауға және қоғам сенімін нығайтуға бағытталды.