Әділет органдары қызметкерлері күні қарсаңында Алматы қаласында салтанатты жиын өтті

Алматы қаласы Әділет департаментінде Әділет органдары қызметкерлері күніне арналған салтанатты жиын ұйымдастырылды.

Іс-шара барысында департамент қызметкерлері мерекелік концерт қойып, өздерінің шығармашылық өнерлерін көпшілікке ұсынды. Бұл концерт олардың кәсіби қызметімен қатар, таланттары мен шығармашылық қабілеттерін айқындай түсті.

Салтанатты жиынға Алматы қаласы Әділет департаментінің басшысы Балаим Туғанбаевна Кесебаева қатысып, әріптестерін кәсіби мерекелерімен құттықтады. Ол өз сөзінде әділет органдары қызметкерлерінің құқықтық тәртіпті нығайту мен құқықтық мәдениетті дамытудағы еңбектерін ерекше атап өтті.

Мерекелік шара барысында бірқатар қызметкерлерге Әділет министрінің атынан құрмет грамоталары мен марапаттар, сондай-ақ Департамент басшысының алғыс хаттары табысталды.

✨ Бұл мереке әділет органдары қызметкерлерінің қоғамдағы маңызды рөлін айқындап, олардың еңбегін жоғары бағалаудың айқын көрінісіне айналды.