Халықаралық кездесу өтті

 

9 қыркүйек күні Алматы қаласы Әділет департаментінде Қытай Халық Республикасының Шыңжаң-Ұйғыр автономиялық ауданы Әділет департаментінің делегациясымен «Заң қызметтері саласында ынтымақтастықты нығайту және тәжірибе алмасу» тақырыбында кездесу өтті.

 

🤝 Кездесуді Алматы қаласы Әділет департаментінің басшысы Балаим Туғанбайқызы Кесебаева алғы сөзбен ашты. Қазақстан тарапынан әділет органдарының, Нотариат палатасының, адвокаттар алқасының және заң кеңесшілері палаталарының өкілдері қатысты.

 

🔹 Кездесуде талқыланған негізгі мәселелер:

•заң қызметтерін дамыту және тәжірибе алмасу;

•тегін заң көмегіне мемлекеттік кепілдіктер және адвокаттардың рөлі;

•халықаралық құқық саласында кадрларды даярлау;

•заң саласын цифрландыру («E-заң көмегі», құқықтық чат-бот).

 

🌏 Тараптар құқық саласындағы ынтымақтастықты одан әрі тереңдетудің маңыздылығын атап өтті.

 

📸 Кездесу соңында естелікке ұжымдық сурет жасалды.