27.03.2026 жылы «Keruen City» сауда ойын-сауық кешенінде Ақтөбе облысының прокуратурасы әділет департаментімен бірлесіп, облыстың заң қауымдастығы мен мемлекеттік органдары өкілдерінің қатысуымен «Құқықтық дәріхана» акциясын өткізді.

  Шараның басты мақсаты – халықтың құқықтық және қаржылық сауаттылығын арттыру. Акция аясында заңгерлер мен адвокаттар халыққа ақысыз заңгерлік көмек көрсетіп, сонымен қатар жергілікті атқарушы орган өкілдері азаматтарды қабылдады.

  Кез келген азамат қажетті заңгерлік кеңес, сондай-ақ мемлекеттік орган өкілдерінен өзіне қажетті мәселелер бойынша түсініктеме ала алды.

 

Ақтөбе облысы

әділет департаментінің

баспасөз қызметі