Әділет департаменті Қазақстан Республикасы Конституциясының 30 жылдығына арналған «Ата Заң – тәуелсіздік тірегі» ұлттық жоспары аясында С.Жиенбаев атындағы облыстық жасөспірімдер кітапханасында дөңгелек үстел өткізді. Іс-шараға студенттер, мәдениет, заң қоғамдастығының өкілдері және мәслихат депутаттары қатысты.

  Кездесудің мақсаты-жастардың құқықтық сауаттылығын арттыру, Конституцияға деген құрметті нығайту және оның мемлекеттіліктің негізі ретіндегі тарихи маңызын ашу.
  Қатысушылар Конституцияның демократияны дамытудағы рөлін, құқықтық мемлекеттің қазіргі заманғы сын-тегеуріндерін және оның нормаларын азаматтардың өмірінде қолдану мысалдарын талқылап, жастардың белсенді азаматтық ұстанымының маңыздылығын атап өтті.

Ақтөбе облысы
Әділет департаментінің
баспасөз қызметі