2021 жылға арналған Заң бұзушылықтарын жою туралы ұсыныстарын енгізу бойынша өткізілген талдау нәтижелері
Ақмола облысы Әділет департаменті басшысының 2021 жылғы 12 шілдедегі № 137-н бұйрығымен бекітілген, 2021 жылғы 2 жартыжылдыққа арналған Ақмола облысы Әділет департаментінің келешекке арналған жоспарының 22 тармағын орындау үшін Ақмола облысы Әділет департаментінің әкімшілік-құқықтық бөлімімен 2021 жылға арналған Заң бұзушылықтарын жою туралы ұсыныстарын енгізу бойынша талдау жүргізілді.
«Әділет органдары туралы» Қазақстан Республикасы Заңының 14-бабына сәйкес, әдiлет органдары:
1) әдiлет органдарында мемлекеттiк тiркелуге тиiстi, бiрақ одан өтпеген нормативтiк құқықтық актiлерiне қатысты;
2) орталық және жергiлiктi мемлекеттiк органдардың, әкімдердің олар қолданатын, Қазақстан Республикасы Конституциясының 4-бабына сәйкес жариялануы мiндеттi, бiрақ белгiленген тәртiппен жарияланбаған, нормативтiк құқықтық актілерiне қатысты;
3) әдiлет органдарында мемлекеттiк тiркелуге тиiстi, Қазақстан Республикасының заңдарына қайшы келетiн нормативтiк құқықтық актiлерiне қатысты;
4) Қазақстан Республикасының заң актiлерiнде белгiленген өзге де жағдайларда заңның бұзылуын жою туралы ұсыныс енгiзеді.
Сонымен қатар, Қазақстан Республикасы Үкіметінің 2016 жылғы 29 тамыздағы №486 қаулысымен бекітілген Құқықтық мониторинг жүргізу қағидаларының (бұдан әрі – Қағида) 26-тармағына сәйкес, әділет органдарында тіркелген нормативтік құқықтық актілердің құқықтық мониторингін жүргізу кезеңінде мемлекеттік органдар ұсынған мәліметтердің анықтығын тексеру мақсатында Әділет министрлігінің және аумақтық әділет органдарының қосымша құқықтық мониторинг жүргізуіне рұқсат етіледі.
Қосымша құқықтық мониторинг жүргізу кезінде Ақмола облысы Әділет департаментімен Қазақстан Республикасының қолданыстағы заңнамасына қайшы келетін қолданыстағы НҚА анықталды.
Сонымен, Қазақстан Республикасының 2017 жылғы 25 желтоқсандағы «Салық және бюджетке төленетін басқа да міндетті төлемдер туралы» Кодексіне (Салық кодексі) Қазақстан Республикасының 2020 жылғы 10 желтоқсандағы «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) және «Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы» Қазақстан Республикасының Заңына өзгерістер мен толықтырулар енгізу туралы» Заңымен өзгерістер мен толықтырулар енгізілгені анықталды.
Алайда, Ерейментау, Целиноград, Бұланды, Есіл, Жарқайың, Зеренді, Астрахан, Бурабай аудандарының, Көкшетау, Степногорск қалаларының мәслихаттарымен «Елді мекендердің жер учаскелеріне жер салығының мөлшерлемелерін арттыру (азайту) туралы» тиісті шешімдері қолданыстағы заңнамаға сәйкес келтірілмеген, нәтижесінде Әділет департаментімен 10 НҚА қатысты 10 ұсыныс енгізілді (2020 жылдың өткен кезеңінде-112 НҚА қатысты 53). Заң бұзушылықтарын жою туралы ұсыныстарын қарастыру нәтижесінде 3 НҚА күші жойылды деп танылды, 7 НҚА әзірлеу сатысында, Бұланды аудандық мәслихатының ұйымдастыру-бақылау бөлімінің басшысы сөгіс түрінде тәртіптік жауапкершілікке тартылды.
Өткізілген талдау нәтижелері жоғарыда көрсетілген жергілікті өкілді органдарда НҚА қолданыстағы заңнамаға сәйкес келтіру бойынша жұмыс тиісті емес деңгейде болып табылады.
Ақмола облысы
Әділет департаментінің
Әкімшілік-құқықтық бөлімі