Акция «Әр азаматқа – құқықтық көмек»

   

2025 жылғы 13 тамызда Қазақстан Республикасы Конституциясының 30 жылдығына орай,  азаматтардың құқықтық мәдениеті мен құқықтық сауаттылығын арттыру мақсатында  Ақмола облысы Әділет департаменті  облыстық Адам құқықтары жөніндегі уәкілімен сондай-ақ, Ақмола облысының адвокаттар алқасы және нотариаттық, жеке сот орындаушылар мен заң консультанттар палаталарының өкілдерімен бірлесіп, Көкшетау қаласының «РИО» сауда - сауықтыру орталығында «Әр азаматқа – құқықтық көмек» атты акциясын өткізді.

Акция барысында  барлық жүгінген азаматтарға адвокаттармен, жеке сот орындаушылар және нотариустар, заң консультанттарымен білікті құқықтық  көмек көрсетілді.

Департамент өкілімен жүгінген азаматтарға цифрлық көмекшісін (чат-бот) қолдана отыра заң көмегін алу мүмкіндігі туралы ақпарат беріп, кешенді әлеуметтік және мемлекет кепілдік берген заң көмегін алу бойынша ақпарат ұсынылды.

       

Ақмола облысы
Әділет департаментінің
Баспасөз қызметі