Қарағайлыдағы блокты-модульдік қазандықтың құрылысы жалғасуда

Облыс әкімінің орынбасары Димитрий Гариков Қарағайлы шағын ауданындағы құрылыс нысандарын аралады. Тұрғын үйлер мен әлеуметтік нысандарды уақытында пайдалануға беруді қамтамасыз ету үшін қуаты сағатына 21,5 Гкал болатын блокты-модульді қазандықтың құрылысы жалғасуда.

Қазіргі уақытта барлық 10 қазандықты монтаждау аяқталып, №3 көтергіш-сорғы станциясы іске қосылды. Қазандықты электрмен жабдықтау, отын қоймасының металл құрылымдарын, қазандық ғимаратының қабырғаларын және қондырғыларды монтаждау жұмыстары жүргізілуде. Нысанның дайындық деңгейі 75% құрайды. Барлық жұмыстар кестеге сәйкес жүргізілуде.

Жобаны іске асыру 44 көпқабатты үйді, 1200 орындық мектепті, сондай-ақ басқа да әлеуметтік нысандарды жылумен қамтамасыз етуге мүмкіндік береді. Облыс әкімі орынбасары мердігерге құрылыс жұмыстарын уақытылы және сапалы аяқталуын қамтамасыз ету бойынша тапсырмалар берді.