Абай облысының студенті әлем чемпионатында алтын медаль иеленді

10–15 қыркүйек аралығында Болгарияның Албена қаласында мүмкіндігі шектеулі спортшылар арасында пара қол күрестен

27-ші әлем чемпионаты өтті. Жарыс Армрестлингтің Дүниежүзілік Федерациясы (WAF) ұйымдастырған 46-шы әлемдік пара қол күресі чемпионаты аясында өткізілді.

Чемпионатқа әлемнің 24 мемлекетінен 547 спортшы қатысып, өз бақтарын сынады.

Абай облысы IT және жаңа технологиялар жоғары колледжінің 3-курс студенті Данил Тихонов 55 кг салмақ дәрежесінде өнер көрсетіп, І орын иеленіп, алтын медаль жеңіп алды.

Жас спортшыны колледж ұжымы, ата-аналар мен студенттер қошемет көрсетіп қарсы алды. Жаттықтырушысы – Данияр Тайменов.