Саржал ауылында жаңа спорт модулі салынып жатыр

Абай ауданының Саржал ауылында жаңа спорт модулінің құрылысы басталды. Жоба облыстық бюджет есебінен жүзеге асуда. Құрылыс жұмыстарына 10 жұмысшы мен 4 техника жұмылдырылған. Нысан 2026 жылы пайдалануға беріледі деп жоспарланып отыр.

Жаңа спорт кешені ауыл жастарына бокс, күрес, волейбол, футбол секілді спорт түрлерімен айналысуға мүмкіндік береді. Сонымен қатар, салауатты өмір салтын дамытуға ықпал етеді.

Биыл ауданда спортпен шұғылданушылар саны 5586 адамға жеткен. Бұл жалпы халықтың 41,9%-ын құрайды. Қазіргі таңда ауданда 32 спорт нысаны бар.