«Kвиз KERUEN» жобасының финалдық ойыны

Абай облысының жастар саясаты мәселелері жөніндегі басқармасының әлеуметтік тапсырысы аясында жүзеге асырылған «Жастарға арналған креативті алаңдар ұйымдастыру» жобасы бойынша өткізілген «Quiz Keruen» зияткерлік ойындар легі аяқталды. Жоба шеңберінде 2025 жыл бойы Абай облысының барлық қала және аудандарында іріктеу кезеңдері ұйымдастырылып, нәтижесінде әр өңірден үздік командалар анықталды. Жыл қорытындысы бойынша барлық аудандардың жеңімпаз командалары финалдық ойынға қатысу үшін бір алаңда бас қосты.

Финалдық ойын қорытындысы бойынша жүлделі орындар төмендегідей бөлінді:

• I орын – Ақсуат ауданы (150 000 теңге);
• II орын – Абай ауданы (100 000 теңге);
• III орын – Көкпекті ауданы (50 000 теңге).

Квиз форматындағы зияткерлік ойындар жастардың интеллектуалдық әлеуетін дамытуға, командалық жұмыс дағдыларын қалыптастыруға, сондай-ақ бос уақытын тиімді ұйымдастыруға бағытталған.

Аталған жоба өңір жастарының креативті бастамаларын қолдау және жастар арасындағы зияткерлік белсенділікті арттыру мақсатында іске асырылды.