Ұлы Жеңістің 80 жылдығына арналған Абай облысының чемпионаты өтті

2025 жылдың 3 мамыры күні Қаратөбе ауылдық округіндегі Д.Қалматайұлы атындағы орта мектебінде армрестлингтен (қол күресі) ерлер мен әйелдер арасында, сондай-ақ 2007–2009 жылы туған жасөспірімдер мен 2010 жылы туған және одан кіші жас санаттарындағы балалар арасында Абай облысының чемпионаты өтті.

Аталған спорттық іс-шараға өңірдің түрлі округтерінен келген спортшылар қатысып, өз шеберліктерін көрсетіп, бақтарын сынады. Қатысушылар түрлі жас ерекшеліктері бойынша жүлделі орындарға ие болып, медальдар, мадақтамалармен марапатталды.

Іс-шараның жоғары деңгейде өтуіне Жарма аудандық мәслихатының депутаты Дастанов Қуат Қабиденұлы, Абай облысының Армрестлинг федерациясының басшысы Сағатаев Төлеген Ғазезұлы, округ әкімшілігі,
Д. Қалматайұлы атындағы орта мектебінің ұжымы және ауыл жастары қолдау көрсетті.
Ұйымдастырушы – Нургалиев Аслан Жұмағазыұлы.

Бұл чемпионат – жастарды спортқа баулу, салауатты өмір салтын насихаттау және патриоттық рухты арттыру мақсатында өткізілді.