Жаңасемей ауданының Мұқыр ауылында «Таза Қазақстан» экологиялық акциясы аясында кең көлемді ағаш отырғызу шарасы ұйымдастырылды

Аталған игі іске аудан әкімдігі қызметкерлері, жастар орталығының мамандары, мәслихат өкілдері, білім бөлімі мен кітапхана қызметкерлері белсенді түрде қатысып, бірлесе 50 түп ағаш отырғызды.

Шараның басты мақсаты – қоршаған ортаны қорғау, ауыл аумағын көгалдандыру және тұрғындар арасында экологиялық мәдениетті қалыптастыру. Акция барысында қатысушылар табиғатты аялау, жасыл желекті көбейту – әрбір азаматтың ортақ міндеті екенін атап өтті.

Осындай бастамалар алдағы уақытта да жалғасын тауып, ауданның экологиялық жағдайын жақсартуға өз үлесін қоса бермек.