Премьер-министрдің орынбасары Қанат Бозымбаев Абай облысындағы су тасқынының алдын алу бойынша атқарылып жатқан жұмыстармен танысты

ҚР Премьер-министрінің орынбасары Қанат Бозымбаев жұмыс сапарымен Абай облысына келді. Сапар аясында облыс әкімі Берік Уәли, Төтенше жағдайлар вице-министрі Кеген Тұрсынбаев, Су ресурстары және ирригация министрлігінің өкілдерімен бірге өңірдегі су тасқынының алдын алу шараларымен танысты. Тікұшақпен әуеден шолу барысында Семей қаласы аумағындағы Ертіс өзені, Аягөз қаласы маңындағы өзендер мен елді мекендерді, Бозай елді мекеніндегі көпірді, Жарма ауданы аумағындағы Шар су қоймасы, Бородулиха ауданындағы Красный Яр елді мекені секілді су тасқыны қаупі бар учаскелер қаралды.

АБАЙ ОБЛЫСЫ ӘКІМІНІҢ БАСПАСӨЗ ҚЫЗМЕТІ