Достық және Ертіс ауылдық округітерінің әкімшілік және ветеринария саласының мамандары Шақаман жалпы орта білім беретін мектебінің ұжымымен «Төрт түлік» мобильдік қосымшасы бойынша түсіндіру жұмыстарын жүргізді

Кездесу барысында мобильдік қосымшаның негізгі мақсаты мен міндеттері, ауыл шаруашылығы жануарларын тіркеу тәртібі, деректерді енгізу және жаңарту жолдары, сондай-ақ қосымшаны тиімді пайдалану тәсілдері туралы жан-жақты ақпарат берілді. Сонымен қатар цифрлық жүйенің ветеринариялық бақылауды күшейтуге, мал басын есепке алуды нақтылауға және мемлекеттік қызметтердің ашықтығын қамтамасыз етуге ықпал ететіні атап өтілді.

Іс-шара барысында қатысушылар тарапынан қойылған сұрақтарға тиісті жауаптар беріліп, практикалық түсіндірмелер жасалды. Түсіндіру жұмыстары алдағы уақытта да жалғасын табады.