Жаңасемей ауданының аумақтық сайлау комиссиясы сайланған әкімге куәлік тапсырды.
2025 жылғы 31 шілдеде Жаңасемей ауданының аудан активінің кеңесі өтті, онда Жаңасемей ауданының аумақтық сайлау комиссиясының төрағасы Дәулет Әсембаев сайланған әкім Нұржан Оразбекұлы Әбдікәрімовке куәлік табыс етті.
Жаңасемей ауданы тұрғындарының тікелей сайлауы нәтижесінде әкім лауазымына сайланған Нұржан Оразбекұлы Әбдікәрімов 2025 жылғы 31 шілдеден бастап өз міндеттерін ресми түрде атқара бастайды.
Нұржан Әбдікәрімов 1971 жылы 9 мамырда Үржар ауданы Сегізбай ауылында дүниеге келген.
Үржар ауданының білім беру мекемелерінде 17 жылдан астам жұмыс істеді, шамамен 18 жыл жергілікті атқарушы органдарда, ауылдық округтер әкімі аппараттарында басшы, Шығыс Қазақстан облысы мен Абай облысының ауылдық округтерінде әкім болды. 2024 жылы Семей қаласы "Amanat "партиясы" ҚБ облыстық филиалының атқарушы хатшысы болды. 2025 жылдың мамыр айынан бастап сайлау сәтіне дейін Жаңасемей ауданы әкімінің кеңесшісі болды.
Абай облысының "АMANAT" партиясы ұсынған.