Абай облысының әкімі Берік Уәли Бородулиха ауданына жасаған жұмыс сапары барысында Петропавловка ауылына барды

Шағын ауылда Мемлекет басшысының тапсырмасына сәйкес бұқаралық спортты дамыту мақсатында заманауи спорт және демалыс орталығы бой көтерді. Жаңа нысан ауыл тұрғындарына, әсіресе балалар мен жастарға спортпен жүйелі түрде шұғылдануға мүмкіндік беріп отыр.

Аймақ басшысы спорт кешенінің материалдық-техникалық базасымен танысып, жас спортшылардың жаттығу барысын тамашалады. Сонымен қатар нысанның тиімді пайдаланылуы мен алдағы жоспарлары жөнінде жауапты сала басшыларының ақпаратын тыңдады.